Сайт о Бобруйске и бобруйчанах

У Бабруйскім раёне працягваюць уручаць юбілейныя медалі “75 год вызвалення Беларусі ад нямецка-фашысцкіх захопнікаў”

Устаноўлены юбілейны медаль “75 год вызвалення Беларусі ад нямецка-фашысцкіх захопнікаў”. Адпаведны указ №134 Прэзідэнт Беларусі Аляксандр Лукашэнка падпісаў 2 красавіка сёлетняга года. Учора юбілейныя медалі былі ўручаны жыхарам Сычкаўскага і Хімоўскага сельсаветаў — ветэранам Вялікай Айчыннай вайны, былым вязням фашысцкіх лагераў, засценкаў, гета і іншых месцаў прымусовага ўтрымання, створаных фашыстамі і іх саюзнікамі ў гады Другой сусветнай вайны.

З гэтай нагоды ў Сычкаўскім сельскім клубе была наладжана ўрачыстасць і канцэрт. Медалі разам з віншавальнымі паштоўкамі ад Прэзідэнта Беларусі і старшыні Магілёўскага аблвыканкама з Днем Незалежнасці і 75-годдзем вызвалення краіны ад нямецка-фашысцкіх захопнікаў уручылі начальнік аддзела прызыву на ваенную службу Ваеннага камісарыяту г. Бабруйска, Бабруйскага, Глускага і Кіраўскага раёнаў, маёр Станіслаў Сіманаў, намеснік начальніка аддзела ідэалагічнай работы, культуры і па справах моладзі Бабруйскага райвыканкама Дзмітрый Вяроўкін і адказны сакратар Бабруйскага раённага Савета ветэранаў Валерый Казлоў. Яшчэ частцы ветэранаў медалі былі ўручаны па месцы жыхарства.

Усяго ад пачатку кампаніі па ўручэнні юбілейных медалёў на тэрыторыі раёна ўзнагароды атрымалі 24 чалавекі, кампанія працягваецца.

Алена КАРПЕНКА. Фота аўтара. 

Если вы нашли ошибку, пожалуйста, выделите фрагмент текста и нажмите Ctrl+Enter.

Печать
Вам также могут понравиться

НАПИСАТЬ КОММЕНТАРИЙ

avatar
  Subscribe  
Уведомлять меня о

Сообщить об опечатке

Текст, который будет отправлен нашим редакторам: